ممبئی: مہیش بھٹ نے اکثرنئے ٹیلنٹ کو متعارف کروایا ہے، تاہم جب ان کی بیٹی عالیہ بھٹ کو لے کر فلم بنانے کا پوچھا گیا تو انہوں نے کہا کہ عالیہ اپنی دنیا کی ایک اسٹار ہے اور میں اسٹارز کے ساتھ کام نہیں کرتا۔
بالی وڈ کے 64 سالہ فلم میکرمہیش بھٹ ارتھ ، نام اورڈیڈی جیسی با معنی اورسنجیدہ موضوعات کی فلمیں بنانے کے لئے مشہور ہیں، وہ اپنی فلموں میں نیو کمرز کو بھی موقع دینے میں نہیں ہچکچاتے۔
اپنے چالیس سالہ فلمی کیریئرکے دوران انہوں نے کئی لوگوں کو موقع دیا اور وہ اسٹار بنے،ان میں انوپمکھیر کا نام بھی شامل ہے ، پھرانہوں نے راہول رائے کوعاشقی، سنی لیون کو جسم ٹو اور پاکستانی اداکارہ سارہ لورین کو مرڈر تھری میں موقع فراہم کیا۔
