بغداد: عراق میں پانچ کار بم دھماکوں کے نتیجے میں پولیس اہلکاروں سمیت چھبیس افراد جاں بحق اور متعدد زخمی ہوگئے۔
عراق میں بم دھماکوں کا سلسلہ جاری ہے۔ شدت پسندوں کی جانب سے بغداد کے مختلف مقامات پر کار بم دھماکے کیے گئے۔ بغداد میں پہلا کار بم دھماکہ پولیس چیک پوسٹ پر کیا گیا، جس کے نتیجے میں سات افراد ہلاک ہوگئے ۔
عراق کے مشرقی علاقے میں کار بم دھماکے سےمزید چھ افراد ہلاک ہوئے جبکہ قریبی عمارتوں کو شدید نقصان پہنچا۔ خادمیہ اور بھایہ میں مذہبی مقامات کو نشانہ بنایا گیا جس سے جاں بحق ہونے والوں کی مجموعی تعداد چھبیس ہوگئی۔ حکام کا کہنا ہے کہ دھماکے شدت پسند گروپ داعش کی جانب کئے گئے۔
