لاہور : وفاقی وزیر ریلوے خواجہ سعد رفیق اپنے حلقے میں انتخابی دھاندلی کے الزام میں الیکشن ٹریبونل پہنچے تو کم اور باہر نکلے تو زیادہ گرم دکھائی دیئے تھے۔عمران خان پر چورن بیچنے کا الزام بھی لگا دیا۔
لاہور میں قومی اسمبلی کے حلقہ این اے ایک سو پچیس کی انتخابی عذر داری کی سماعت کے بعد میڈیا سے گفتگو کرتے ہوئے خواجہ سعد رفیق نے کہا کہ عمران خان اور ان کے ساتھی دو ہزار تیرہ میں اسٹیبلشمنٹ کے گھوڑے تھے۔
ا نہوں نے کہا کہ عمران خان نجم سیٹھی کے نام کا چورن بیچتے رہتے ہیں ،کراچی کے حوالے سے خواجہ سعد رفیق نے کہا کہ اب ٹی ٹی اور کے کے کا دور گزر چکا ہے۔
پی ٹی آئی اور ایم کیو ایم کے خلاف خواجہ سعد رفیق کے لہجے سے ان کی سیاسی ریل گاڑی کی رفتار نہ صرف ہلکی ہو سکتی ہے بلکہ اس کا انجن فیل ہونے کا بھی امکان ہے۔
