لندن :پیپلز پارٹی کے شریک چیئرمین آصف علی زرداری کا کہنا ہے کہ عمران خان جیسی زبان استعمال نہیں کرسکتے،عمران خان مخصوص ذہنیت کی ترجمانی کرتے ہیں۔
لندن میں پریس کانفرنس کرتے ہوئے سابق صدر آصف علی زرداری کا کہنا تھا کہ دہشت گردی کے خلاف جنگ میں پاکستان نے ہزاروں جانیں قربان کیں، دنیا کو داعش جیسے خطرات سے آگاہ کرنا چاہتے ہیں، دہشت گردی کے مائنڈ سیٹ کا مقابلہ کرنا ہوگا۔
سابق صدرکا کہنا تھا کہ جمہوریت بڑی قربانیوں اور آمریت کے خلاف دس سال جدوجہد کرکے حاصل کی، پیپلزپارٹی وہ کام کررہی ہے، جوبینظیربھٹوکررہی تھیں۔
آصف زرداری کا مسئلہ کشمیر سے متعلق کہنا تھا کہ مسئلہ کشمیر اہمیت کا حامل ہے جو اجاگر کرنا چاہتے ہیں اور ساتھ ہی ہمسایہ ممالک کے ساتھ بہترتعلقات قائم کرنا چاہتے ہیں۔
Comments
- Advertisement -
