پاکستان کرکٹ ٹیم کی سلیکشن کمیٹی نے تجربہ کار فاسٹ بولر عمر گل کو سری لنکا کیخلاف ون ڈے سیریز کیلئے یواے ای طلب کرلیا ہے۔
پاکستان اور سری لنکا کیخلاف ون ڈے سیریز ایک ایک سے برابر ہے اور تیسرا میچ آج شارجہ میں کھیلا جائیگا۔ قومی کرکٹ ٹیم کی مینجمنٹ نے تجربہ کار فاسٹ بولرعمرگل کو طلب کیا ہے۔
عمر گل زخمی ہونے کی وجہ سے گذشتہ نو ماہ سے بین الاقوامی کرکٹ سے باہر تھے۔ گھٹنےکی انجری سے صحت یاب ہونے کے بعد انہوں نے ڈومیسٹک کرکٹ شروع کردی تھی، وہ پاکستانی اسکواڈ کو بقیہ دو ون ڈے میچز کیلئے آج جوائن کرینگے۔
