پیرس: امریکہ کی سرینا ولیمز نے کیرئیر میں تیسری بار فرنچ اوپن ٹینس ویمنز ٹائٹل جیت لیا۔
سال کادوسرا گرینڈ سلم بھی عالمی نمبر ایک سرنیا ولیمز کے نام رہا، کلے کورٹ میں بھی سریناولیمز کی حکمرانی قائم ہوگئی۔
سرینا ولیمز نے جمہوریہ چیک کی لوسی سفارووا کوکانٹےدار مقابلےکےبعدشکست دےکرکیریئرکابیسواں گرینڈسلم ٹائٹل اپنےنام کیا۔
- Advertisement -
سرینا ولیمز نے پہلے سیٹ میں حریف کھلاڑی کو باآسانی چھ تین سے قابو کیا، دوسرے سیٹ میں لوسی سفارووا نے شاندار کم بیک کرتے ہوئےسیٹ ٹائی بریک پرجیت کر مقابلہ ایک ایک سیٹ سے برابرکردیا۔
آخری سیٹ میں سرینا کا جادو سرچڑھ کربولا جبکہ لوسی سفارووا کی ایک نہ چلی، ولیمز نے تیسرا سیٹ چھ دو سے جیت کر کیرئیر میں تیسری بار فرنچ اوپن کی ٹرافی اپنے نام کی۔
فرنچ اوپن مینز کا فائنل آج نواک جوکووچ اور اسٹینلاس وورانکاکے درمیان کھیلا جائےگا۔
