فیصل آباد: سنٹرل جیل میں قید مزید چار دہشت گردوں کو پھانسی دینے کی تیاریاں شروع ہے، دہشت گردوں کو مشرف حملہ کیس اور راولپنڈی بینک ڈکیتی قتل کیس میں سزائے موت ہوئی، جیل انتظامیہ کو ڈیتھ وارنٹ کا انتظار ہے ۔
فیصل آباد کی سنٹرل جیل میں موجود سزائے موت کے دو مجرموں نائیک نوازش علی اور لانس نائیک غلام نبی کو مشرف حملہ کیس میں سزا ہو ئی تھی جبکہ عبدالمالک اور محمد مشتاق راولپنڈی میں بینک میں ڈکیتی اور قتل کیس کے مجرم ہیں ۔
ذرائع کے مطابق صدرِ مملکت نے ان چاروں دہشت گردوں کی رحم کی اپیلیں مسترد کر دی تھیں، ان دہشت گردوں کو بھی فیصل آباد کی ڈسٹرکٹ جیل ہی میں پھانسی دی جائے گی ۔
سنٹرل جیل اور ڈسٹرکٹ جیل انتظامیہ نے مزید چار دہشت گردوں کی سزائے موت پر عمل درآمد کے لئے تیاریاں شروع کر دی ہیں اور ڈیتھ وارنٹ موصول ہوتے ہی انہیں ڈسٹرکٹ جیل منتقل کر دیا جائے گا۔
