فیصل آباد: فیصل آباد کے علاقے پیپلزکالونی میں نامعلوم افراد کی فائرنگ سے پولیو ورکر جاں بحق ہوگیا ہے اور اس کے ساتھ موجود ایک لیڈی پولیو ورکر زخمی ہوگئی ہے۔
پولیس کا کہنا ہے کہ فیصل آباد میں واقع پیپلزکالونی میں انسداد پولیو مہم کے سلسلے میں نکلنے والے پولیو ورکر محمد سرفراز جو ایک اسکول میں ٹیچر تھے کو موٹر سائکل پر سوار نامعلوم ملزمان نے اندھا دھند فائرنگ کردی، جس کے نتیجے میں سرفرازموقع پر ہی جاں بحق ہوگیا ہے جبکہ ان کے ساتھ موجود خاتون پولیو ورکر سدرہ معمولی زخمی ہوگئی ہے۔
پولیس کے مطابق مقتول کے جسم پر سات گولیاں لگیں ہیں، مقتول اسکول ٹیچرتھا۔ پولیس کے مطابق مقتولنے سوگواران میں دو بٹیاں اور دو بیٹے چھوڑے ہیں۔
پولیس نے واقعے کی تحقیقات شروع کردی ہیں اور ملزمان کی گرفتاری کیلئے چھاپے شروع کر دیئے ہیں۔ واضح رہے کہ ملک بھر میں پولیو ورکرز پر حملے ایک معمول ہے تاہم پنجاب میں اس قسم کے حملے کا آج یہ اپنی نوعیت کا پہلا واقع ہے۔
