بہاولپور : مسلم لیگ ق نے بہاولپور میں بھرپورسیاسی قوت کامظاہرہ کیا،پنڈال گو نواز گو کے نعروں سے گونج اٹھا۔ تحریک انصاف اور عوامی تحریک کے جلسوں کے بعد مسلم لیگ ق نے بھی میدان مارلیا۔
جناح اسٹیڈیم میں لیگی کارکنان کا جذبہ دیدنی تھا۔جنہوں نے اپنے قائدین کا والہانہ استقبال کیا۔جلسہ گاہ میں پارٹی ترانوں کی دھن پرکارکنان کے رقص نے سماں باندھ دیا۔
قائدین کی دھواں دار تقریریں اور نوازحکومت کی غلط پالیسیوں پر تنقید سے پنڈال گو نواز گو کے نعروں سے گونج اٹھا۔ جلسے میں خواتین بچوں سمیت بزرگوں کی بڑی تعداد نے بھی شرکت کی۔
