لاہور : لاہور ہائیکورٹ نےآئی جی پنجاب کو پی ٹی آئی ورکرز کی گرفتاریوں سے روک دیا، عدالت نے حکم دیا کہ کسی بھی سیاسی کارکن کو غیرقانونی طور پر گرفتار یا ہراساں نہ کیا جائے۔
لاہور ہائی کورٹ نے تحریک انصاف کے کارکنوں کی گرفتاریوں کے حوالے سے درخواست کی سماعت کی، عدالت نے فریقین کو سننے کے بعد مختلف مقامات پر لگائے گئے کنٹینرز کا پلان بھی طلب کرلیا۔
دوران سماعت آئی جی پنجاب اور تحریک انصاف کے وکلا کے درمیان تلخ کلامی ہوئی، آئی جی پنجاب کا کہنا تھا کہ الزام نہ لگائے جائیں تمام گرفتاریاں قانون کے مطابق ہوئی، بتیس سال قوم کی خدمت کرنے کے بعد یہ وردی پہنی، کسی نے تحفے میں نہیں دی۔
جس پر پی ٹی آئی کے وکیل نے کہا کہ آپ پبلک سرونٹ ہیں، ہم آپ کے دفتر میں نہیں کھڑے، آپ عدالت میں کھڑے ہوکر متکبرانہ انداز میں بات مت کریں۔
Comments
- Advertisement -
