کراچی : لیاری میں نامعلوم افراد کی فائرنگ سے لیاری بزرگ کمیٹی کے رہنما سمیت دو افراد جاں بحق ہوگئے۔ پولیس کے مطابق فائرنگ کا واقعہ لیاری جنرل اسپتال کے قریب پیش آیا، جہاں نامعلوم افراد نے بزرگ کمیٹی کے رہنما عبدالمجید کوفائرنگ کرکے قتل کردیا۔
واضح رہے کہ مقتول عبدالمجید نے لیاری میں امن و امان کے حوالے سے مختلف جماعتوں کے ساتھ مل کراہم کردار ادا کیا تھا۔اس کے علاوہ لیاری ہی کے علاقے چاکیواڑہ میں نامعلوم افراد کی فائرنگ سے ایک شخص جان کی بازی ہار گیا۔
واقعے کے بعد لیاری میں کشیدہ صورتحال ہے۔ واقعے بعد خوف و ہراس پھیل گیا۔
دوسری جانب لیاری کے علاقے بغدادی میں پولیس مقابلے کے دوران تین ملزمان کو زخمی حالت میں گرفتار کرلیا گیاہے، پولیس کے مطابق گرفتار ملزمان بھتہ خوری میں ملوث ہیں، منگوپیر پولیس نے بھی پولیس اہلکار کے قتل میں ملوث ملزم کو زخمی حالت میں گرفتارکرلیا
