لاہور: صدر ڈویژن پولیس نے تاوان کے لئے اغواء ہونے والے مغوی عبدالرؤف کو بازیاب کروا کر پانچ ملزمان کو گرفتار کرلیا۔
تفصیلات کے مطابق ایس پی صدر زاہد مروت نے پریس کانفرنس کرتے ہوئے میڈیا کو بتایا کہ عبدالرؤف نامی شخص کو پانچ ملزمان نے دو ماہ قبل اغواء کیا اورعبدالرؤف کے اہل خانہ سے اس کی بازیابی کے لئے ستائیس لاکھ روپے تاوان مانگا گیا۔
انہوں نے بتایا کہ پولیس نے ملزمان کے خلاف فوری کارروائی کرتے ہوئے مغوی عبدالرؤف کو بازیاب کروالیا جبکہ پانچ ملزمان کو گرفتارکرلیا گیا ہے ۔
گرفتار ملزمان کے قبضے سے اسلحہ اور موبائل فونز بھی برآمد کئے گئے ہیں، ایس پی صدر کے مطابق ملزمان ڈکیتی کی متعدد وارداتوں میں بھی ملوث ہیں ملزمان سے مزید تفتیش بھی جاری ہے۔
