مکہ :مفتی اعظم سعودی عرب شیخ عبدالعزیز نے پشاورمیں اسکول پر حملہ کو بدترین جرم قرار دیدیا ہے۔
مفتی اعظم سعودی عرب نے اپنے بیان میں مکتب کو مقتل میں تبدیل کرنے والوں کو اسلام دشمن قرار دیا ہے، شیخ عبدالعزیز کا کہنا ہے کہ اسلام دشمن مسلم ممالک کو اپنے افکار کی تجربہ گاہ بنائے ہوئے ہیں اور مسلمانوں کو فریب میں مبتلا کررہے ہیں۔
ان کا کہنا تھا کہ پشاورمیں اسکول پرحملہ خطرناک عمل اور بڑا جرم ہے، بے قصوروں کا قتل اسلام ودیگر مذاہب میں ممنوع ہے، انھوں نے ناحق خونریزی کو ظلم اور جاہلانہ عمل قرار دیا ہے۔
دوسری جانب مفتی اعظم پاکستان نے اسکول پر حملہ کرنیوالے طالبان کو ظالمان قرار دیدیا ہے، مفتی رفیع عثمانی نے اے آروائی نیوز سے گفتگو کرتے ہوئے کہا کہ سانحے پر ہر ایک کا دل لرز اٹھا ہے۔
Comments
- Advertisement -
