کراچی: ملک کے مختلف شہروں میں آج سے تین روزہ انسداد پولیو مہم کا آغاز ہو گیا ہے، مہم کے دوران سخت سیکیورٹی انتظامات میں لاکھوں بچوں کو انسداد پولیو کے قطرے پلائے جارہے ہیں۔
پاکستان میں بڑھتے ہو ئے پولیو کیسز پرعالمی دباؤ کے بعد حکومت کیجانب سےانسداد پولیو کیلئے کوششیں تیز کر دی گئیں ہیں، گذشتہ دنوں وزیراعظم نوازشریف کی زیرصدارت چاروں وزرائے اعلٰی کے اہم اجلاس میں ملک سے پولیوکےخاتمے کاعزم کیا گیا۔
اس سلسلے میں ملک کےکئی شہروں میں آج سےانسدادپولیو مہم شروع ہو رہی ہے۔ تین روزہ مہم میں ملک بھرمیں بچوں کوانسدادپولیوکےقطرے پلائےجارہے ہیں، کراچی کی بارہ حساس یونین کونسلزمیں پولیو رضا کاروں کیلئے سخت سیکیورٹی انتظامات کیساتھ آٹھ لاکھ بچوں کو قطرے پلائے جارہےہیں۔
لاہور میں بھی بارہ نومبر تک جاری رہنے والی تین روزہ انسداد پولیو مہم کا آج سے باقاعدہ آغاز ہو رہا ہے، ضلعی انتظامیہ کی طرف سےچار ہزار پولیو ٹیمیں تین روزہ پولیو مہم میں حصہ لے رہی ہیں، ادھر خیبر ایجنسی کے دو سب ڈویژن اور وادی تیراہ میں سترہ نومبر سے شروع ہونیوالی پولیو مہم کے دوران ایک لاکھ اٹھائیس ہزار بچوں کو انسدادپولیوکےقطرے پلائے جائیں گے۔
