اسلام آباد: رواں مالی سال 2014-15ء کے دوسرے ماہ اگست 2014ءکے دوران مچھلی اور مچھلی کی مصنوعات کی ملکی برآمدات میں 38لاکھ ڈالر کی کمی واقع ہوئی۔

ادارہ برائے شماریات پاکستان (پی بی ایس) کے اعداد و شمار کے مطابق اگست 2013ءکے دوران مچھلی اور اسکی مصنوعات کی برآمدات سے 23.2ملین ڈالر کا زرمبادلہ کمایا گیا تھا جبکہ رواں مالی سال میں اگست 2014ءکے دوران ملکی برآمدات کا حجم 19.4ملین ڈالر تک کم ہوگیا ہے۔

اسی طرح صرف ایک ماہ کے دوران ملکی برآمدات میں 3.8ملین ڈالر کی کمی ریکارڈ کی گئی ہے۔