اسلام آباد:میر عاصم کرد گیلو نے بلوچستان عوامی پارٹی کو خیرباد کہہ دیا ہے۔
اے آر وائی نیوز کے مطابق میر عاصم علی گیلو نے بلوچستان پارٹی چھوڑنے کے بعد پیپلزپارٹی میں شمولیت کا اعلان کردیا ہے۔
عاصم کرد گیلو بلوچستان عوامی پارٹی کے مرکزی نائب صدر تھے، وہ بلوچستان کے سابق وزیر خزانہ رہ چکے ہیں۔
عاصم کرد گیلو کی سینیٹ میں چیف وہپ سلیم مانڈوی والا سے ملاقات کی، ملاقات میں سلیم مانڈوی والا نے پارٹی میں شمولیت پر خوش آمدید کہا۔
اس موقع پر سلیم مانڈوی والا کا کہنا تھا کہ پیپلزپارٹی نے ہمیشہ بلوچستان کے حقوق کی جنگ لڑی ہے۔
انہوں نے کہا کہ آصف علی زرداری نے ہمیشہ صوبے کے حقوق کی بات کی ہے، بلوچستان پیکج کا سہرا پیپلزپارٹی کے سر ہے۔
Comments
- Advertisement -
