نئی دہلی :بھارت میں شیوسینا کے رکن پارلیمنٹ نے مسلمان روزے دار کو زبردستی کھانا کھلانے کی کوشش کی ، واقعے کی خبر عام ہونے پر پارلیمنٹ کےمسلمان ارکان نے ایوان میں احتجاج کیا۔
بھارتی ریاست مہاراشٹرا میں شیو سینا کے رکن اسمبلی راجن ویچار نے ایک کنٹین میں کھانے کا ذائقہ معیار کے مطابق نہ ہونے پر مسلمان ویٹر کو زدو کوب کرتے ہوئے زبردستی کھانا کھلا کر روزہ توڑنے کی کوشش کی۔
مذہبی اور مختلف سیاسی جماعتوں کی جانب سے واقعےکی مذمت کی گئی، مذہبی رہنما خالد رشید نے واقعے کو شرمناک قرار دیتے ہوئے رکن اسمبلی کےخلاف کاروائی کا مطالبہ کیا۔
اپوزیشن پارٹی کانگریس کے رہنما مجید میمن نے واقعے کو مذہبی معاملات میں مداخلت قرار دیا اور فوری تحقیقات کا مطالبہ کیا، رکن اسمبلی راجن ویچار نے واقعے کی تردید کی ہے۔
Comments
- Advertisement -
