اسلام آباد: نپیرا نے بجلی کی قیمت میں دو روپے ستانوے پیسے کمی کی منظوری دے دی۔
نیپرا کی جانب سے سینٹرل پاورپرچیزنگ ایجنسی کی درخواست پرسماعت کے دوران کمی کی منظوری دی گئی، بجلی کی قیمتوں میں کمی نومبر کیلئے ماہانہ فیول ایڈجسٹ کی مد میں کی گئی ہے،کمی کا اطلاق کےالیکٹرک کےسوا ملک بھرکی تمام تقسیم کارکمپنیوں پر ہوگا ۔
بجلی کے ٹیریف میں کمی سے صارفین کو سترہ ارب روہے سے زائد کا ریلیف ملےگا۔ نیپرا حکام کے مطابق بجلی کی قیمتوں میں کمی عالمی منڈی میں خام تیل اور فرنس آئل سستا ہونے کے باعث کی گئی ہے۔ وزیراعظم کی جانب سے اس کمی کا اعلان پہلے ہی کیا جاچکا ہے ۔
