ویلنگٹن: نیوزی لینڈ کے فاسٹ بولر کائل ملز نے انٹرنیشنل کرکٹ سے ریٹائرمنٹ کا اعلان کردیا۔ ڈینیل ویٹوری کے بعد کائل ملز نے بھی کیوی ٹیم کو خیر آباد کہہ دیا۔
ملز ورلڈ کپ اسکواڈ میں تو شامل تھے لیکن فاسٹ بولر کو ایک میچ میں بھی موقع نہیں دیا گیا۔ چھتیس سالہ کھلاڑی ویٹوری کے بعد نیوزی لینڈ کے لئے ون ڈے میں سب سے زیادہ دو سو چالیس وکٹیں لینے والے بولر ہیں۔
ملز نے ٹیسٹ میں چوالیس اور ٹی ٹوئنٹی میں تینتالیس وکٹیں اڑائیں۔ ملز نے کئی میچ میں ٹیم کو کامیابی دلوائی۔ کیوی کھلاڑی کا کہنا ہے کہ انہوں نے بہت سوچ سمجھ کر کرکٹ سے ریٹائرمنٹ کا فیصلہ کیا ہے۔
چودہ سال تک نیوزی لینڈ کی نمائندگی کرنا ان کے لئے بہت اعزاز کی بات ہے۔
