کھٹمنڈو: نیپال اوربھارت میں زلزلے نے تباہی مچا دی، زلزلے سے نیپال میں 449 جبکہ بھارت میں20 افراد ہلاک ہوئے۔ بنگلہ دیش میں بھی زلزلے سے دوافراد ہلاک ہوئے۔
طاقتور زلزلے نے نیپال اور بھارت میں تباہی مچا دی، سات اعشاریہ نوشدت کے زلزلے نے جس کا مرکز نیپال میں تھا، پلک جھپکتے متعدد عمارتوں کو ملبے کا ڈھیربنا دیا۔
نیپال کے دارالحکومت کھٹمنڈو میں نومنزلہ عمارت گرگئی اور چار سو افراد ملبے تلے دب گئے۔ کھٹمنڈو کا تاریخی مینار بھی زلزلے سے زمیں بوس ہوگیا اور پچاس افراد ملبے میں پھنس گئے۔
آفٹرشاکس کے باعث امدادی کارروائیوں میں مشکلات کا سامنا ہے ، زلزلے کے جھٹکوں سے ماؤنٹ ایورسٹ سے برفانی تودے گرنے کی بھی اطلاعات ہیں، کھٹمنڈو ائیرپورٹ پروازوں کے لئے بند کردیا گیا جبکہ نیپال میں موبائل فون سروس بھی متاثر ہے۔
نئی دلی میں میڑوٹرین سروس عارضی طورپربند کی گئ، بھارت کے شمالی اورمشرقی علاقے بھی زلزلے سے متاثرہوئے۔ زلزلے کے جھٹکے جے پور،گوہاٹی، رانچی اوریاست اترپردیش، بہارسمیت دیگرعلاقوں میں بھی محسوس کئے گئے۔
لوگوں میں خوف وہراس پھیل گیا اوروہ دفاتراورگھروں سے باہر نکل آئے۔
