سڈنی : بھارتی ٹیم کے بلے باز روہیت شرما نے کہا ہے کہ بھارتی ٹیم ناقابل شکست رہتے ہوئے ایک اچھی کرکٹ کھیل رہی ہے۔ ورلڈ کپ میں اپنے اعزاز کا بھرپور انداز سے دفاع کرینگے۔
ان خیالات کا اظہار انہوں نے سڈنی میں میڈیا سے گفتگو کرتے ہوئے کیا، صحافیوں کے سوالات کا جواب دیتے ہوئے بھارتی بلے باز روہت شرما نے کہا کہ جیت کیلئے پر عزم ہیں۔
اس موقع پر آسٹریلوی کپتان مائیکل کلارک نے کہا کہ سڈنی کی وکٹ فاسٹ بولرز کیلئے سازگار ہے،اسپنرز کا بھی جادو چل سکتا ہے۔
مائیکل کلارک کا کہنا تھا کہ پہلے بیٹنگ کا موقع ملا تو زیادہ رنز اسکور کرنے کی کوشش کرینگے۔اب ہمارا مقصد ورلڈ کپ کے فائنل میں نیوزی لینڈ کو جوائن کرنا ہے۔
