بھارت میں ہونے والے ورلڈ ہاکی لیگ کے پہلے ایڈیشن میں نیدرلینڈ نے نیوزی لینڈ کو باآسانی زیر کرکے ٹائٹل اپنے نام کرلیا ہے۔ بھارتی دارالحکومت نئی دہلی میں کھیلے گئے ورلڈ ہاکی لیگ کے فائنل مقابلے میں نیدرلینڈ نے نیوزی لینڈ کو یک طرفہ مقابلے کے بعد دو کے مقابلے میں سات گول کے فرق سے شکست دی۔
نیدرلینڈ کو پہلے ہاف میں تین صفر سے سبقت حاصل تھی۔ دوسرے ہاف میں نیوزی لینڈ کی جانب سے اسٹیو ایڈورڈز نے دو گول کیے مگر نیدرلینڈ کے کھلاڑیوں نے اسکور میں مزید چار گول کا اضافہ کرکے ٹائٹل جیت لیا۔ فاتح ٹیم کیلئے جونکر نے ہیٹ ٹرک گول اسکور کیے۔
