اسلام آباد: وزیراعظم نواز شریف سے اپوزیشن جرگے کی سراج الحق کی قیادت میں ملاقات میں موجودہ سیاسی صورتحال پر تبادلہ خیال کیا جا رہا ہے جبکہ اپوزیشن جرگے نے وزیراعظم نواز شریف کو مذاکرات میں اب تک ہونی والی پیشرفت سے آگاہ کیا۔
وزیراعظم نواز شریف سے اپوزیشن جرگے کی سراج الحق کی قیادت میں ملاقات جاری ہے، ملاقات میں رحمان ملک، جی جی جمال، لیاقت بلوچ ، کلثوم پروین شامل ہیں، اپوزیشن جرگے کی جانب سے تحریک انصاف اور عوامی تحریک کے مذاکراتی عمل پر بریفنگ دی گئی، وزیر اعظم نے سیاسی جرگے کی کوششوں کا سراہا ۔
اپوزیشن جرگے نے گزشتہ روز تحریک انصاف اور پاکستان عوام تحریک کی مذاکراتی ٹیموں سے ملاقات کی تھی، اپوزیشن جرگے نے مذاکرات میں اب تک ہونے والی صورتحال سے آگاہ کیا، وزیراعظم نواز شریف نے مذاکراتی عمل میں اپوزیشن جرگے کی کوششوں کی تعریف کی۔
اپوزیشن جرگے اور فریقین کی مذاکراتی کمیٹیوں کے درمیان مذاکرات کامیاب تو نہیں ہوسکے پر مذاکرات جاری رکھنے پر اتفاق کیا گیا تھا۔
