نارروال : وزیراعلیٰ پنجاب مریم نواز کے سیکیورٹی اسکواڈ کی گاڑی سے موٹر سائیکل کو ٹکر کی سی سی ٹی وی فوٹیج سامنے آگئی۔
تفصیلات کے مطابق نارووال میں وزیراعلیٰ پنجاب مریم نواز کے سیکیورٹی اسکواڈ کی گاڑی اور موٹرسائیکل میں ٹکر کے واقعے کی سی سی ٹی وی فوٹیج سامنے آگئی۔
فوٹیج میں دیکھا جا سکتا ہے کہ ایک موٹر سائیکل سے پیچھے آنے والی موٹر سائیکل ٹکرائی، جس کی وجہ سےموٹرسائیکل سوار سیکیورٹی اسکواڈ کی گاڑی سے ٹکرا گیا۔
پولیس نے حادثے کا مقدمہ جاں بحق نوجوان ابوبکر کے کزن کی مدعیت میں درج کیا ، ایف آئی آر کےمطابق سرکاری گاڑی کی غفلت کی وجہ سے حادثہ پیش آیا۔
گذشتہ روز چندوال کے قریب وزیراعلیٰ پنجاب کےپروٹول کی گاڑی کی ٹکر سےنوجوان ابوبکر جاں بحق ہو گیا تھا۔
پولیس نے جاں بحق نوجوان ہونے کے واقعے کا مقدمہ درج کیا تھا ، مقدمے میں کہا گیا تھا جاں بحق ابو بکر موٹرسائیکل پر جارہا تھا کہ وہ سرکاری گاڑی کی ٹکر سےجاں بحق ہوا۔
