وزیراعظم نوازشریف کی زیرصدارت وفاقی کابینہ کا اجلاس ہوا، جس میں دہشتگردی اور قومی سلامتی پالیسی پر وفاقی وزیر داخلہ چودھری نثار علی اور سیکریٹری داخلہ شاہد خان نے شرکا کو بریفنگ دی۔
اجلاس سے خطاب میں وزیراعظم نواز شریف نے کہا ہے کہ سیکورٹی فورسز پر حملے برداشت نہیں کئے جائیں گے، دہشت گردی کی حالیہ وارداتیں غیرمعمولی ہیں، ان سے نمٹنے کے لئے انتہائی اقدامات اٹھائے جائیں گے۔
انہوں نے کہا کہ دہشت گردی کے واقعات میں ملوث عناصر ملک دشمن ہیں، دہشت گردوں سے آہنی ہاتھ سے نمٹا جائے گا، اجلاس میں وفاقی وزراء نے دہشت گردی پر قابو پانے کے لیے تجاویز دیں، قومی سلامتی پالیسی کا کابینہ کے اگلے اجلاس تک موخر کر دی، سیکورٹی پالیسی پر کابینہ کے آئندہ اجلاس تک بحث جاری رہے گی ۔
- Advertisement -
