کراچی : جماعت اسلامی کے رہنما حافظ نعیم الرحمان نے کہا ہے صوبائی الیکشن کمیشن یرغمال بنا ہوا ہے ،ووٹر لسٹ اور انتخابی عملہ مشکوک ہے۔
کراچی میں صوبائی الیکشن کمشنر سے ملاقات کے بعد میڈیا سے گفتگو میں حافظ نعیم الرحمان کاکہنا تھا ، قواعد کے مطابق پندرہ دن قبل انتخابی عملے کی فہرست امیدوار کو فراہم کی جاتی ہے ۔
ضمنی انتخاب میں دس دن باقی رہ گئے ہیں اور اب تک انتخابی عملے کی فہرست اور پولنگ اسکیم کے بارے میں معلومات فراہم نہیں کی جارہی ہے۔
- Advertisement -
انتخابی فہرستوں میں پچیس ہزار جعلی ووٹوں کا اندراج ہے ،حافظ نعیم الرحمن کا کہنا تھا نادرا کے سافٹ ویئر کے ذریعے جعلی ووٹوں کو ختم کیا جاسکتا ہے۔
