پشاور: چیئرمین تحریک انصاف عمران خان نے کہا ہے کہ اس ملک سے جب تک کرپشن ختم نہیں ہوگی ملک ترقی نہیں کرے گا، کل سے اہم احتجاجی تحریک شروع کررہے ہیں۔
PTI's Tehreek-e-Ahtesab to be launched tomorrow… by arynews
یہ بات انہوں نے پشاور میں احتجاجی تحریک شروع کرتے ہوئے کنٹینر پر کارکنوں سے خطاب کرتے ہوئے کہی، رہنما شاہ محمود قریشی اور وزیراعلیٰ کے پی کے پرویز خٹک بھی ان کے ساتھ موجود تھے۔
عمران خان نے کہا کہ عوام اور حکمرانوں کے لیے الگ الگ قوانین ہیں،جب تک نیب انصاف کرتے ہوئے نواز شریف کے خلاف کام نہیں کرے گا اس وقت تک نہ چوری ختم ہوگی نہ کرپشن، اور کرپشن ہی سب سے بڑی بیماری ہے جسے ختم کرنے کے لیے یہ تحریک شروع کی جارہی ہے۔
انہوں نے مزید کہا کہ کل سے پاکستان کے لیے اہم تحریک شروع کررہے ہیں جس کا مقصد بدعنوانی کا خاتمہ ہے،مغل اعظم اربوںروپے چوری کرلیں انہیں کوئی ادارہ نہیں پکڑ رہا، ہمارے تحریک کا آغاز پشاور سے ہورہا ہے اور اس کا اختتام پنجاب میں رائے ونڈ میں حکمرانوں کے محل پر ہوگا۔
