کراچی: پاکستان کرکٹ ٹیم کے اسٹار آل راؤنڈر شاہد آفریدی کہتے ہیں کہ وہ ورلڈ ٹی ٹوئنٹی دوہزار سولہ کو مدنظر رکھتے ہوئے مختصر فارمیٹ کی کرکٹ پر توجہ مرکوز کرنا چاہتے ہیں۔
کراچی میں میڈیا سے گفتگو کرتے ہوئے شاہد آفریدی کا کہنا ہے کہ وہ پہلے ہی عندیہ دے چکے ہیں کہ کرکٹ ورلڈ کپ دوہزار پندرہ کے بعد ون ڈے کرکٹ کو خیرباد کہہ دینگے تاکہ نوجوان کھلاڑیوں کو کھیلنے کا موقع مل سکے۔
ان کا کہنا ہے کہ اب انکا مقصد ٹی ٹوئنٹی کی بہترین ٹیم بنانا ہے جو ان کی قیادت میں کامیابیاں سمیٹ سکے۔ پاکستان کرکٹ بورڈ نے شاہد آفریدی کو ورلڈ ٹی ٹوئنٹی دو ہزار سولہ تک کیلئے قومی ٹیم کا کپتان مقرر کیا ہے۔
- Advertisement -
وہ آسٹریلیا کیخلاف یو اے ای سیریز کے واحد ٹی ٹوئنٹی میچ سے قیادت کے فرائض سنبھالیں گے۔
