دبئی : پاک آسٹریلیا کرکٹ ٹیسٹ سیریز کے پہلے میچ میں قومی ٹیم کی کامیابی کی بدولت پاکستان نے ٹیسٹ رینکنگ میں بھارت کو پیچھے چھوڑتے ہوئے چوتھی پوزیشن پر قبضہ جمالیا۔دبئی ٹیسٹ میں دو سو اکیس سے کامیابی نے پاکستان کو رینکنگ میں چھٹی سے چوتھی پوزیشن پر پہنچا دیا۔
پاکستانی شاہینوں نے نہ صرف رینکنگ بہتر کی بلکہ بگ تھری کے ٹھیکیدار بھارت کو پانچویں سے چھٹی پوزیشن پر دھکیل دیا۔ سیریز کا دوسرا اورآخری ٹیسٹ جیت کر پاکستان کے پاس ٹیسٹ رینکنگ میں دنیا کی تیسری بہترین ٹیم بننے کا سنہری موقع ہوگا۔ ابو ظہبی ٹیسٹ میں ناکامی کی صورت میں پاکستان چوتھی سے پانچویں پوزیشن پر آجائے گا۔
