پاکستان اور بھارت کےدرمیان سولہ ماہ سے تعطل کا شکار تجارتی مذاکرات آج سے نئی دہلی میں شروع ہو رہے ہیں، پہلے مرحلے پر پاکستانی سیکٹریری تجارت نیاز قاسم اپنے ہم منصب شری ایس آر راؤ سے ملاقات کریں گے۔
پاکستان اور بھارت کے تجارت سے متعلق مذاکرات دوبارہ شروع ہو رہے ہیں، خطے کے دو اہم ہمسایوں کے درمیان تجارتی مذکرات کو اہمیت کے حامل سمجھا جارہا ہے۔
پاک بھارت تجارتی مذاکرات میں پہلے مرحلے میں دونوں ملکوں کے سیکریٹری تجارت ملاقات آج نئی دہلی میں ادیو بھون میں ملاقات کرینگے، ملاقات میں دونوں ممالک کے درمیان تجارت بڑھانے اور کاروباری حضرات کیلئے ویزہ کا حصول آسان بنانے سے متعلق معاملات زیر بحث آئیں گے۔
سولہ جنوری کو وزیرمملکت برائے تجارت خرم دستگیر خان بھارتی دارالحکومت نئی دہلی پہنچیں گے، جہاں وہ سارک بزنس کانفرنس میں شرکت کرینگے، خرم دستگیر خان آٹھارہ جنوری کو بھارتی ہم منصب آنند شرما سے ملاقات بھی کریں گے۔
ماہرین کا کہنا ہے کہ پاک بھارت تجارتی سیکریٹریز کے درمیان ملاقات سے مستقبل قریب میں مزید ہم آہنگی پیدا ہوگی اور اہم اعلانات متوقع ہیں۔
