اسلام آباد: وزیرِ اعظم نواز شریف نے کہا ہے کہ پاکستان اور چین حقیقی معنوں میں بھائیوں جیسے ہیں ۔
وزیرِاعظم نواز شریف نے پارلیمنٹ کے مشترکہ اجلاس سے خطاب میں کہا کہ ہمارے دوست اور چینی صدر آج ہمارے مہمان ہے، جب کوئی اچھا دوست دور سے ملنے آئے تو اچھا لگتا ہے۔
نواز شریف نے کہا کہ ہم حقیقی معنوں میں بھائیوں جیسے ہیں، پاکستان کیلئے چین کی سلامتی اس کی اپنی سلامتی ہے، تمام جماعتوں کے نمائندے چینی صدر کو خوش آمدید کہنے کیلئے موجود ہیں، ایک سڑک اور ایک وژن کے نظریئے کو سراہتے ہیں۔
انھوں نے کہا کہ پاکستان چین کی حمایت ہر محاز پر جاری رکھے گا، چاروں صوبے، گلگت بلتستان، ازاد کشمیر راہداری منصوبے سے مستفید ہونگے۔
انہوں نے کہا کہ دونوں ممالک میں اکنامک کاریڈور پر عملدرآمد پر تیزی سے عملدر آمد جاری ہے، اس سے پورے ملک سمیت تمام خطے کے لوگوں کو فائدہ ہوگا۔
وزیرِاعظم نے کہا کہ توانائی کے بحران پر قابو پانے کیلئے چین کی مدد کا شکریہ ادا کرتے ہیں، ہمارے درمیان دفاعی تعلقات مضبوط سے مضبوط تر ہورہے ہیں، چینی صدر کا دورہ ہمارے لئے تاریخی اہمیت رکھتا ہے۔
