راولپنڈی: پاکستان کے خلاف پہلے ون ڈے میچ سے قبل کیوی ٹیم کو دھچکا لگ گیا۔
تفصیلات کے مطابق نیوزی کرکٹ ٹیم کے وکٹ کیپر بیٹسمین ٹام بلنڈل اسٹرین انجری کا شکار ہوکر پاکستان کے خلاف ون ڈے سیریز سے باہر ہوگئے۔
ٹام بلنڈل بنگلہ دیش کے خلاف چوتھے ٹی 20 میچ میں فٹنس مسائل سے دوچار ہوئے تھے۔
کیوی ٹیم میں ٹام بلنڈل کی جگہ ڈیرل مچل کو ون ڈے اسکواڈ کا حصہ بنایا گیا ہے جو پہلے ہی ٹی 20 اسکواڈ میں شامل تھے۔
واضح رہے کہ پاکستان اور نیوزی لینڈ کے درمیان پہلا ون ڈے کل راولپنڈی میں کھیلا جائے گا۔
#PAKvNZ | @TomBlundellNZ has been ruled out of the ODI series against @TheRealPCB with a left-quad strain. @dazmitchell47, who was initially joining the side for the T20I series, will now assemble with the ODI squad once he’s completed mandatory isolation. https://t.co/en25glWvl0
— BLACKCAPS (@BLACKCAPS) September 16, 2021
اس سے قبل قومی ٹیم کے کپتان بابر اعظم کا کہنا تھا کہ کیوی ٹیم کے خلاف ورلڈ کپ کو مدنظر رکھتے ہوئے تین اسپنرز کھلانے کا پلان ہے، بنگلہ دیش میں نیوزی لینڈ کی ٹیم ہاری ضرور ہے لیکن پاکستان انہیں آسان نہیں لے گا۔
ان کا کہنا تھا کہ نیوزی لینڈ کے خلاف پہلے ون ڈے کے لیے فائنل الیون کا انتخاب میچ سے قبل کریں گے۔
کیوی ٹیم کے کپتان ٹام لیتھم کا کہنا تھا کہ اٹھارہ سال بعد پاکستان آنا تاریخی موقع ہے اسے یادگار بنائیں گے۔