پنجاب میں بلدیاتی انتخابات کےلئے کاغذات نامزدگی جمع کرانے کا سلسلہ شروع ہوگیا۔اڑتالیس ہزار سے زائد نشستوں کےلئے کاغذات ستائیس دسمبرتک وصول کئے جائیں گے۔
لاہور سمیت پنجاب بھرمیں بلدیاتی انتخابات کی تیاریاں زور پکڑ گئیں۔ صوبے کی اڑتالیس ہزار تین سو چھتیس نشستوں پر انتخابی دنگل کے لئے کاغذات نامزدگی جمع کرانے کا سلسلہ شروع ہوگیا۔جو ستائیس دسمبرتک جاری رہے گا۔وصول کئے گئے کاغذات سے متعلق نوٹی فیکیشن اٹھائیس دسمبرکو جاری کیاجائے گا۔
الیکشن کمیشن کے مطابق کاغذات کی جانچ پڑتال تین اور چار جنوری کو جائے گی۔ منظوریا مسترد ہونے والے کاغذات کے خلاف اپیلیں دائر کرنے کےلئے چھ اور سات جنوری کے تاریخ مقررکی گئی ہے۔اپیلوں پر فیصلے آٹھ جنوری سے گیارہ جنوری تک سنایاجائے گا۔ جبکہ بارہ جنوری کو امیدوار کاغذات واپس لے سکیں گے۔
بلدایتی انتخاب میں حصہ لینے والے امیدواروں کی حتمی فہرست تیرہ جنوری کو جاری کی جائے گی۔صوبے میں بلدیاتی انتخاب کےلئے پولنگ تیس جنوری کو ہوگی۔ جس کے تین روز بعد دوفروری کو حتمی نتائج کا اعلان کیا جائےگا۔
