اسلام آباد: پاکستان انٹرنیشنل ایئرلائن ( پی آئی اے) اوراتحاد ایئرویزنے کوڈشیئرنگ کے معاہدے پردستخط کردئیے جس کے تحت پاکستان، متحدہ عرب امارات اورآگے کی منازل کے مسافروں کو زیادہ کنکٹنگ فلائٹس مل سکیں گی۔
پی آئی اے کی جانب سے جاری کردہ بیان کے مطابق اتحاد ایئرویز پی آئی اے کی پروازوں پر اپنا کوڈ (ای وائے) لگائے گی جبکہ پی آئی اے اتحاد ایرویز کے پروازوں پراپناکوڈ پی کے لگائے گا۔
پروازوں کی بکنگ 30 جون 2015 سے کرائی جاسکتی ہیں جبکہ پہلی پرواز 27 جولائی کو روانہ ہوگی۔ اس معاہدے سے پاکستانی مسافروں کو 70 سے زائد منزلوں تک پہنچنے میں مدد ملے گی
- Advertisement -
پی آئی اے کے ڈائریکٹر مارکیٹنگ خرم مشتاق کا کہنا ہے کہ یہ پاکستان ایئرلائنز کے لئے عالمی سطح پر کئی ممالک سے منسلک ہونےکا انتہائی زبردست موقع ہے جس سے پی آئی اے کے مسافروں کو سہولت ملے گی۔
