لاہور: پاکستان کرکٹ بورڈ نے ون ڈے کے نئے کپتان اور چیف سلیکٹر کا انتخاب کرلیا ، ون ڈے قومی کرکٹ ٹیم کی باگ ڈور کون سنبھالے گا۔ بورڈ نے فیصلہ کرلیا.
ذرائع کے مطابق کوچ وقار یونس کی رپورٹ کو مدنظر رکھتے ہوئے بورڈ نے حیران کن طور پر اظہرعلی کو ون ڈے ٹیم کا نیا کپتان بنانے کا فیصلہ کیا ہے۔
اظہر علی ورلڈ کپ میں ٹیم کا حصہ نہیں تھے۔ انہوں نے ٹیم کے لئے آخری ون ڈے جنوری دوہزار تیرہ میں کھیلا تھا۔ ورلڈ کپ میں عمدہ کارکردگی دکھانے والے وکٹ کیپر بیٹسمین سرفراز احمد ٹیم کے نائب کپتان ہوں گے۔
مصباح الحق ٹیسٹ اور آفریدی ٹی ٹوئنٹی کے کپتان برقرار رہیں گے۔ سرفراز ٹی ٹوئنٹی میں آفریدی کے نائب ہوں گے۔ معین خان کی جگہ نئے چیف سلیکٹر کا فیصلہ بھی کرلیا گیا ہے۔
سابق ٹیسٹ کرکٹر ہارون رشید قومی ٹیم کے نئے چیف سلیکٹر ہوں گے۔ اظہر خان، کبیر خان اور سلیم جعفر کو سلیکشن کمیٹی کا رکن بنایا گیا ہے۔
۔۔
