بھوبنیسور:چیمپیئنز ٹرافی ہاکی میں پاکستان کو ایونٹ کے پہلے میچ میں بیلجیئم نے ایک کے مقابلے دو گولز سے شکست دے دی۔بھارتی ریاست اڑیسہ کے دارالحکومت بھوبنیسور میں چیمپیئنز ٹرافی ہاکی کے پہلے ہی میچ میں پاکستان کو بیلجیئم کے ہاتھوں شکست کا سامنا کرناپڑا۔
میچ کے آغاز سے ہی حریف ٹیم نے جارحانہ کھیل کا مظاہرہ کیا۔ بیلجیئم نے کھیل کے شروعات میں ہی گیند کو جال کی راہ دکھا کر برتری حاصل کی۔ پاکستان نے کم بیک کی بھرپور کوشش کی لیکن بیلجیئم ڈیفنڈرز کیخلاف گول کرنا آسان نہ تھا۔
دوسرے کوارٹر میں بھی گرین شرٹس گول اسکور نہ کرسکی۔ تیسرے کوارٹر میں کپتان محمد عمران نے شاندار گول داغ کر مقابلہ ایک ایک سے برابر کردیا۔ آخری کوارٹر میں بیلجیئم نے ایک مرتبہ پھر سے گیند کو جال میں پھینک کر برتری حاصل کی تو میچ کے اختتام برقرار رہی۔
