ینان :چین کے جنوب مغربی علاقے میں آنے والے زلزلے سے ہلاک افراد کی تعداد تین سواٹھانوے ہوگئی جبکہ دوہزارسے زائد افراد زخمی ہیں۔ چینی میڈیا کے مطابق صوبے ینان میں چھ اعشاریہ پانچ شدت کے زلزلے نے تباہی مچادی۔ زلزلے سے متعدد عمارتیں منہدم ہوگئیں۔ لینڈسلائیڈنگ سے سڑکیں بند ہوگئیں اورمواصلات کا نظام دھرم برہم ہوگیا۔متاثرہ علاقوں میں ملبے تلے دبے زخمیوں اور لاشوں کو نکالنے کے لئے امدادی کارروئیاں جاری ہیں۔ حکام نے ہلاکتوں میں اضافے کا خدشہ ظاہرکیا ہے۔