پاکستانی کرکٹ ٹیم کے سابق کپتان مایہ نازباؤلر وسیم اکرم آج انچاس برس کے ہو گئے، آپ 3 جون 1966ء کو لاہور میں پیدا ہوئے۔
وسیم اکرم زیادہ وکٹیں حاصل کرنیوالے کھلاڑی ہیں انہوں نے 356 ون ڈے میچزمیں 502 وکٹیں حاصل کیں۔ وسیم اکرم مئی 2003ء کو کرکٹ کی دنیا میں 19 برس تک شاندارکارکردگی کا مظاہرہ کرنے کے بعدریٹائرہوگئے۔
وسیم اکرم نے کرکٹ کا آغاز اسلامیہ کالج لاہور سے کیا اوراوپننگ بالر اور ہارڈ ہٹر بیٹسمین کی حیثیت سے دھوم مچا دی ،وسیم اکرم نے اٹھارہ سال کی عمر میں راولپنڈی میں پہلی بار فرسٹ کلاس کرکٹ کھیلی جبکہ تئیس نومبر انیس سو چوراسی کو نیوزی لینڈ کے خلاف پہلا ون ڈے انٹرنیشنل کھیلا۔
انیس سو بیانوے میں پاکستان کو ورلڈ کپ جتوانے میں وسیم اکرم نے اہم کردارادا کیا جبکہ انگلینڈ کے خلاف فائنل میں مین آف دی میچ قرار پائے،ڈریم کرکٹر کا خطاب پانے والے وسیم اکرم نے ایک سو چار ٹیسٹ میچوں اور تین سو چھپن او ڈی آئی میں پاکستان کی نمائندگی کی
آج کل انڈین پریمئیر لیگ میں شاہ رخ خان کی ٹیم کولکتہ نائٹ رائیڈر کے باؤلنگ کوچ ہیں۔