کراچی اسٹاک مارکیٹ میں سال نو کا زبردست خیرمقدم کیا گیا، نمایاں تیزی کے نتیجے میں مارکیٹ پچھلا ریکارڈ توڑتے ہوئے تاریخ کی نئی بلندترین سطح پر پہنچ گئی۔
نئے سال کے پہلا روزکراچی اسٹاک مارکیٹ میں ملکی وغیرملکی سرمایہ کار بھرپور طریقے سے سرگرم نظر آئے، زبردست تیزی کے نتیجے میں مارکیٹ میں بلندترین سطح پرپہنچنے کا نیا ریکارڈ قائم ہوا۔
کراچی اسٹاک مارکیٹ ایک دن میں 4 نفسیاتی حدیں عبور کرگئی، سیمنٹ،،آئل اینڈ گیس اور ٹیکسٹائل سیکٹر کی کمپنیوں کے شئیرزمیں خریداری کا رجحان دیکھا گیا۔
کاروبار کے اختتام پربینچ مارک ہنڈریڈ انڈیکس 348 پوائنٹس بڑھکر 25608 پوائنٹس کی نئی ریکارڈ سطح پر بند ہوا، ریڈی مارکیٹ میں دس ارب روپے مالیت کے 34 کروڑ شئیرز کا نمایاں کاروبار ہوا۔
