کراچی : برما میں روہنگیا مسلمانوں کے قتل عام کے خلاف سیاسی و مذہبی جماعتوں نے کراچی میں احتجاجی مظاہرے کئے۔
برما میں روہنگیا مسلمانوں کے قتل عام پر جمعیت علما اسلام ،پاکستان سنی تحریک سمیت دیگر جماعتوں اور ہندو ،سکھ براداری نے کراچی پریس کلب کے سامنے احتجاجی مظاہرہ کیا ۔
مظاہرین کا کہنا تھا کہ برما میں مسلمانوں کے قتل عام پر اقوام متحدہ،او آئی سی ،مسلم امہ اور عالمی براداری کی خاموشی حیران کن ہے۔
جماعت اسلامی نے برما میں مسلمانوں کے قتل عام،اقوام متحدہ اور مسلم حکمرانوں کی بے حسی کے خلاف سی بریز تک احتجاجی مارچ کیا۔
مظاہرے سے خطاب کرتے ہوئے نائب امیر جماعت اسلامی اسد اللہ بھٹو کا کہنا تھا اقوام متحدہ مشرقی تیمور کی طرح برما میں بھی رائے شماری کرائے ۔
