کراچی :لانڈھی مانسہرہ کالونی میں دہشت گردوں کے حملے کے بعد تباہی کی ویڈیو سامنے آگئی، اہلکاروں نے مقابلے کے بعد ایک دہشتگرد کو ہلاک کیا تھا۔
تفصیلات کے مطابق کراچی کے لانڈھی مانسہرہ کالونی میں دہشت گردوں کے حملے کے فوری بعد کی ویڈیو سامنے آگئی.
ویڈیو میں ایک شخص کو سڑک پر تڑپتے دیکھا جاسکتا ہے جبکہ دوسرے منظر میں پولیس اہلکاروں کو دیکھا جاسکتا ہے، اہلکاروں نے مقابلے کے بعد ایک دہشتگرد کو ہلاک کردیا تھا۔
ایک جانب زخمی سیکیورٹی اہلکار کو بے ہوش دیکھا جاسکتا ہے جبکہ پولیس اہلکار کی جانب سے دہشت گرد کی رائفل کو اٹھائے دیکھا جاسکتا ہے، ویڈیو میں خودکش دھماکے کے بعد تباہی بھی دیکھی جاسکتی ہے۔
یاد رہے آج صبح کراچی میں دہشت گردوں نےغیرملکی شہریوں کو لے جانے والی گاڑی پر حملہ کیا تھا۔
پولیس نے بتایا کہ حملہ ناکام بناتے ہوئے دو دہشت گردوں کوہلاک کردیاگیا ہے جبکہ گاڑی میں موجودتمام غیر ملکی مہمان محفوظ ہیں۔
حملہ کرنے والے ایک دہشت گرد نے خود کودھماکےسے اڑایا، دوسرا دہشت گرد پولیس سے مقابلے میں مارا گیا جبکہ دہشت گردوں کی فائرنگ سےدوسیکیورٹی گارڑاورایک راہ گیرزخمی ہوا۔
پولیس کے مطابق ہلاک دہشت گردوں کےپاس سے بیگ ملاہےجس میں دستی بم موجودہیں، دھماکےکی زدمیں قریب موجودایک موٹر سائیکل اورپک اپ آئی۔
