کراچی: محکمۂ موسمیات نے آج درجہ حرارت اڑتیس سے چالیس ڈگری تک رہنے کی پیشن گوئی کردی ہے۔
تفصیلات کے مطابق آج اتوارکا دن کراچی کے شہریوں کے لئے ایک انتہائی سخت گرم دن ہوگا اور درجہ حرارت 40ڈگری سینٹی گریڈ تک
جاسکتا ہے۔
کراچی میں مطلع آبرآلود ہے لیکن بارش کا کوئی امکان نہیں ہے۔
محکمہ موسمیات کے مطابق سندھ اوربلوچستان کے بیشترعلاقوں میں آج پھرسے گرمی کی نئی لہراٹھے گی جس سے گرمی کی شدت مزید اضافہ میں ہوگا۔
سندھ اوربلوچستان میں جہاں گرمی کا راج ہوگا وہیں مالاکنڈ، فیصل آباد، ملتان، ساہیوال، ڈی جی خان، کشمیر اور گلگت بلتستان میں بارش کی توقع ہے۔
واضح رہے کہ گزشتہ 10 دنوں سے جاری گرمی کی شدید لہرمیں اب تک سندھ بھرمیں 1100 سے زائد اموات ہوچکی ہیں جن میں سے 1050 کے لگ بھگ صرف کراچی میں ہوئی ہیں۔
