کراچی : تین روزہ پولیو مہم کا آغاز ہوگیا ہے، پولیو حکام کا کہنا ہے کہ انسداد پولیو مہم کے ورکرز کی سیکیورٹی کے لئے مناسب اقدامات کئے گئے ہیں۔
کراچی میں پولیو مہم کا آغاز کردیا گیا ہے، پولیو مہم تین روز تک جاری رہے گی، جس کے دوران پانچ لاکھ سے زائد بچوں کو پولیو کے قطرے پلانے کا ہدف ہے۔
پولیو حکام کا کہنا ہے کہ پولیو ورکرز کی سیکیورٹی کے مناسب اقدامات کیے گئے ہیں، شہر کے تمام اضلاع میں پولیو ورکرز مہم میں شریک ہیں۔
- Advertisement -
واضح رہے کہ گزشتہ پولیو مہم میں پولیو ورکرز نے سیکیورٹی نہ ملنے پر مہم میں حصہ لینے سے انکار کردیا تھا، متعلقہ حکام کی جانب سے سیکیورٹی کی فراہمی کے بعد پولیو مہم کا آغاز کیا گیا ہے۔
