لاہور: سوئی ناردرن گیس کمپنی کے ایم ڈی عارف حمید نے کہا ہے کہ سوئی میں پروسیسنگ پلانٹ میں آتشزدگی کی وجہ سے پنجاب میں گیس پریشر کم ہے۔
جمعرات تک گھریلو صارفین کو گیس کی فراہمی بحال کردی جائے گی۔ لاہور میں میڈیا کو بریفنگ دیتے ہوئے ایم ڈی سوئی ناردرن عارف حمید کا کہنا تھا کہ پنجاب میں گیس پریشر سوئی میں پروسیسنگ پلانٹ میں آتشزدگی کی وجہ سے کم ہے۔
۔گیس پروسیسنگ پلانٹ میں آتشزدگی کی وجوہات ابھی تک سامنے نہیں آئیں، 2 بوائلر جل گئے ہیں، 7 پر کام جاری ہے، امید ہے کہ جمعرات تک گھریلو صارفین کو گیس بحال کر دی جائے گی۔
- Advertisement -
انہوں نے کہا کہ گھریلو صارفین کے بعد کمرشل اور صنعتی صارفین کو گیس بحال کی جائے گی۔
