The news is by your side.

کراچی : ڈکیتی کے دوران شہری کو قتل کرنے والے دو ڈاکو گرفتار

کراچی : گزشتہ ہفتے ڈکیتی کے دوران شہری کو مزاحمت پر قتل کرنے والے دونوں ڈاکو قانون کی پکڑ میں آگئے، مقدمہ 3نامعلوم ملزمان کیخلاف درج کیا گیا تھا۔

تفصیلات کے مطابق کراچی کے تھانہ سپرمارکیٹ کی حدود میں ڈکیتی مزاحمت پر شہری کو قتل کرنے والے2ملزمان کو پولیس نے گرفتار کرلیا۔

اس حوالے سے ذرائع کا کہنا ہے کہ4ستمبر کو ڈسٹرکٹ سینٹرل سپرمارکیٹ کی حدود میں قتل کا واقعہ پیش آیا تھا اور مقدمہ 3نامعلوم ملزمان کیخلاف درج کیا گیا تھا۔

ایس ایس پی سینٹرل کے مطابق10روز کے اندر پولیس نے مستعدی کا مظاہرہ کرتے ہوئے ہیومن انٹیلی جنس کی بنیاد پر2ملزمان کو گرفتار کرلیا ہے۔

پولیس کا کہنا ہے کہ گرفتار ملزمان میں عبدالمالک اور نوید شامل ہیں، تیسرے ملزم کی تلاش جاری ہے، دوران تفتیش ملزمان کی جانب سے مزید انکشافات سامنے آئے ہیں۔

ایس ایس پی سینٹرل نے بتایا کہ ڈکیتی کے بعد فرار ہونے والے ملزمان نے شہری کو گولی مارکر قتل کیا، ملزمان عادی مجرم ہیں اس سے قبل متعدد مرتبہ گرفتار ہوچکے ہیں۔

پولیس حکام کے مطابق ملزمان کےتیسرے ساتھی کی گرفتاری کیلئے مختلف مقامات پر چھاپے مارے جارہے ہیں اسے بھی جلد گرفتار کرلیا جائے گا۔

Comments

یہ بھی پڑھیں