ملک کی سیاسی صورت پر لیجنڈ کرکٹر وسیم اکرم بھی خاموش نہ رہ سکے اور بڑا بیان داغ دیا۔
قومی کرکٹ ٹیم کے سابق مایہ ناز بولر وسیم اکرم ملکی سیاسی صورتحال پر وزیراعظم عمران خان کی حمایت میں سامنے آگئے، سماجی رابطے کی ویب سائٹ ٹوئٹر پر جاری بیان میں وسیم اکرم نے کہا کہ عمران خان قیادت کرنے، لڑنے اور جیتنے کے لیے پیدا ہوا ہے، یہ عمران خان کی تقدیر ہے! اور کھیل ابھی ختم نہیں ہوا۔
قومی ٹیم کے سابق کپتان کا کہنا تھا کہ عمران خان عہدہ یا طاقت یا نام کے لیے نہیں لڑ رہا بلکہ وہ اپنی عوام کی نمائندگی کررہا ہے۔
He was born to lead, fight & win, not for himself but for what he is representing.
It’s not the position or power or name he’s fighting for,
Its his destiny!
And the game is not over yet!#IstandwithImranKhan #NeverGiveUp pic.twitter.com/NXr5G83xVC— Wasim Akram (@wasimakramlive) April 2, 2022
گذشتہ روز پاکستان کرکٹ ٹیم کے سابق کپتان شاہد آفریدی نے موجودہ ملکی صورتحال کو دیکھتے ہوئے ٹوئٹر پر ایک اپیل کی تھی۔
شاہد آفریدی نے اپنے ٹوئٹ میں کہا کہ ‘پاکستان کے قیام کو74 سال ہوگئے ہیں، خدارا کسی ایک منتخب حکومت کو تو آئینی مدت پوری کرنے دیں کیونکہ ہر عوام کی منتخب کردہ حکومت کو آئینی مدت پوری کرنے کا حق ہے۔
یاد رہے کہ عمران خان وزیراعظم کی کرسی پر مزید براجمان رہیں گے یا نہیں اس بات کا فیصلہ اتوار 3 اپریل کو عدم اعتماد پر ووٹنگ کے بعد ہوجائے گا۔
