کراچی: ویزے تاخیر سےجاری ہونے والےعازمین حج کے لیے اچھی خبر یہ ہے کہ سعودی حکومت نےعازمین حج کی آمد کے اوقات میں توسیع کردی۔
تفصیلات کے مطابق سعودی سول ایوی ایشن گاکا نے نوٹیفکیشن جاری کر دیا جس کے تحت عازمین حج کو جمعرات سات جولائی رات بارہ بجے تک داخلے کی اجازت ہوگی۔
نوٹیفکیشن کے مطابق حج ویزے سال 2022 کے لیے غیر معمولی تبدیلی کی جا رہی ہے، عازمین کو کنگ عبدالعزیز بین الاقوامی ہوائی اڈے کے ذریعے مملکت میں داخلے کی اجازت ہوگی۔
یہ بھی پڑھیں: قربانی کیلیے عازمین حج کو ایک اور سہولت فراہم
گاکا سرکلر کی تعمیل میں ناکامی حکومتی احکامات کی خلاف ورزی ہے، نئے حکم نامے کی خلاف ورزی کرنے والوں کی خلاف قانونی کارروائی کی جائے۔
نئے قانون کے تحت پاکستان میں گزشتہ روز سے اسلام آباد ایئرپورٹ پر پھنسے مسافر بھی سفر کریں گیے، عازمین حج کو پشاور، لاہور اور اسلام آباد ایئرپورٹ سے مختلف پروازوں کی ذریعے روانہ کیا جائے گا۔
واضح رہے کہ گذشتہ روز اسلام آباد ایئر پورٹ پر پی آئی اے کی حج پرواز 24 عازمین کوچھوڑ کر سعودی عرب روانہ ہوگئی تھی اس کے علاوہ بارش کے باعث پھنسے سعودی ایئ رلائن کے 14عازمین بھی نہ حجاز مقدس نہیں جاسکے تھے۔
