بغداد: عراقی وزیراعظم مصطفیٰ الکاظمی کی رہائش گاہ پرڈرون راکٹ حملہ ہوا ہے، تاہم وہ محفوظ ہیں۔
عرب میڈیا کے مطابق آج علی الصبح عراق کے وزیراعظم مصطفیٰ الکاظمی پر ان رہائش گاہ میں ڈرون کے ذریعے قاتلانہ حملہ ہوا ہے تاہم وہ محفوظ رہے، حملےمیں بارود سےبھرے ڈرون کا استعمال کیاگیا، اس حملے میں پانچ افراد کے زخمی ہونے کی اطلاعات ہیں۔
حملے کے بعد وزیراعظم مصطفیٰ الکاظمی نے اپنے ٹیلی ویژن پیغام میں کہا کہ وہ خیریت سے ہیں۔
— Mustafa Al-Kadhimi مصطفى الكاظمي (@MAKadhimi) November 7, 2021
حملے کے بعد وزیراعظم مصظفیٰ الکاظمی کو محفوظ مقام منتقل کر دیا گیا ہے، جہاں سے اپنے ٹیلی ویژن پیغام میں انہوں نے بتایا کہ وہ خیریت سے ہیں، عراقی وزیراعظم کا کہنا تھا کہ سکیورٹی فورسز حملے کے ذمہ داروں کا سراغ لگانے کے لیے کام کر رہی ہیں۔
ٹوئٹر پر جاری اپنے ویڈیو پیغام میں انہوں نے عراق کی خاطر امن اور تحمل کا مظاہرہ کرنے، قوم کے تحفظ اور قانون کی بالادستی کے لیے سکیورٹی فورسز کی حمایت کی اپیل کی۔
عراقی وزیراعظم کا گھر بغداد کے گرین زون میں واقع ہے جہاں سیکیورٹی کے انتہائی سخت انتظامات ہوتے ہیں۔
عراقی وزیراعظم نے مصطفیٰ الخادمی جمعے کو عراقی سکیورٹی فورسز اور الیکشن کو متنازع بنانے والی پارٹیوں کے حامیوں کے درمیان ہونے والی جھڑپوں کی تحقیقات کے لیے ایک کمیٹی بنانے کا حکم دیا تھا۔
مظاہرین اور پولیس کے درمیان جھڑپوں میں ایک شخص ہلاک اور 100 سے زائد زخمی ہو گئے تھے۔
