جامشورو: صوبہ سندھ میں جامشورو کے قریب انڈس ہائی وے پروین اور دو مسافربسوں میں تصادم کے نتیجے میں 10 افراد جاں بحق ہوگئے۔
تفصیلات کے مطابق جامشورو کے علاقے سن کے قریب انڈس ہائی وے پروین اور دو مسافربسوں میں تصادم ہوا، حادثے میں 10 افراد جاں بحق جبکہ 17 زخمی ہوگئے۔
ریسکیو ذرائع کے مطابق حادثے میں جاں ہونے والوں میں 5 خواتین، 3 بچوں سمیت 10 افراد شامل ہیں۔
حادثے میں زخمی ہونے والے 17 افراد کو فوری طبی امداد کے لیےجامشورو کے سول اسپتال منتقل کردیا گیا ہے تاہم زخمیوں سے 5 کی حالت تشویش ناک بتائی جارہی ہے۔
ڈپٹی کمشنر جامشورو کا کہنا ہے کہ حادثے میں جاں بحق ہونے والوں کا تعلق لاڑکانہ سے ہے جبکہ وین لاڑکانہ سے کراچی جارہی تھی۔
سیہون، مسافر بس اور وین میں تصادم، 7 جاں بحق
خیال رہے کہ 18 اکتوبر 2017 میں سیہون کے قریب انڈس ہائی وے پر کوچ اور وین میں خوفناک تصادم کے نتیجے میں 7 افراد جاں بحق ہوگئے تھے۔
یاد رہے کہ رواں برس 4 جولائی 2017 کو حیدرآباد کے قریب میانی فاریسٹ کےقریب کوچ الٹنے کےنتیجےمیں 6 افراد جاں بحق ہوگئے تھے۔
