دس سالہ کوہ پیما کا شاندار کارنامہ، ایک اور بلند ترین چوٹی سرکرلی: Mountaineer
The news is by your side.

Advertisement

10 سالہ کوہ پیما کا شاندار کارنامہ، ایک اور بلند ترین چوٹی سرکرلی

ایبٹ آباد: خیبرپختونخواہ سے تعلق رکھنے والی دس سالہ کوہ پیما ’سلینہ‘ نے شاندار کارنامہ انجام دیتے ہوئے ایک اور بلند ترین اور دشوار گزار برف پوش چوٹی سر کرلی۔

تفصیلات کے مطابق خیبرپختونخواہ کے ضلع ایبٹ آباد کی دس سالہ کوہ پیما ’سلینہ‘ نے شاندار کارنامہ انجام دے کر سب کو حیران کردیا۔

سلینہ نے دشوار گزار برف پوش ’ولیوسر‘ نامی چوٹی سرکی، جبکہ اس سے پہلے بھی وہ بڑی چوٹیاں سر کرچکی ہیں۔

دس سالہ کوہ پیما دنیا کی بلند ترین ماونٹ ایورسٹ بھی سر کرنے کے لیے پرعزم ہیں۔

ایبٹ آباد کی نو سالہ سلینہ کوہ پیما بن گئی،عالمی ریکارڈ قائم کردیا

رواں سال جون میں پاکستان کی کم عمر ترین کوہ پیما سلینہ نے 6 ہزار 50 میٹر میٹر بلند مینگلی سرچوٹی سرکی تھی۔

خیال رہے کہ اس سے قبل سلینہ خواجہ نے ہنزہ میں واقع قز سر چوٹی سر کی تھی جو پانچ ہزار سات سو فٹ بلند ہے۔

اس کم عمر اور بلند حوصلے والی کوہ پیما کے خواب بھی بہت بلند ہیں، وہ دنیا بھر میں ملک کا نام روشن کرنا چاہتی ہے۔

واضح رہے کہ سلینہ نے رواں سال مارچ میں برف پوش اور بلند ترین کوز سر چوٹی سر کر کے کم عمر کوہ پیماء کا عالمی ریکارڈ قائم کیا۔

Comments

comments

یہ بھی پڑھیں